22 de maio de 2006

CERTAME NARRACIÓNS BREVES MANUEL MURGUIA

O día 20 estiven en Arteixo para recoller o premio do XV Certame de Narracións Breves Manuel Murguía.
Coma sempre, foi unha xornada entrañable e fermosa, na compaña do xuri e dos autores galardoados nos tres anos anteriores cuxos relatos se recollen no volume Contos da Baiuca que comezarei xa a ler.
Prantamos unha árbore e deseguido celebrouse o acto de entrega do premio, co abraio de poder escoitar a voz de Estíbaliz Espinosa, unha fermosísima voz que nos cautivou totalmente.
Mando unha forte aperta desde aquí a todos os que axudaron a que a entrega do premio fose tan ben e, especialmente, a Quique Rabunhal, alma do premio, xeneroso e humilde erudito das nosas letras e amigo.

2 comentários:

Veloso disse...

Parabéns. Moi fermoso o de prantar a árbore. Agardo que pronto poidamos ler o texto premiado. Vaise publicar ou xa está publicado?
Xa fuches pola Feira do Libro de Madrid? Que nos podes contar?
Un saúdo

XESÚS MANUEL MARCOS disse...

Graciñas, Veloso. De momento non se publicou o relato. Supoño que haberá que esperar dous ou tres anos para que publiquen varios relatos xuntos.
A feira do libro aínda non comezou. Tiña ilusión coa feira do libro por ver o "desembarco" galego por estes lares. Pero xa levei a primeira decepción: presentación de Suso de Toro e o seu Home sen Nome, o día 30, martes, á unha da tarde. Para xente "desocupada". Como as fagan todas así, pouco poderei contar.